So bini halt!

Zum chillä und grillä,
bruchi kei Sunnäbrillä,
besser als än Palmästrand,
ich bin dihei im Glarnerland.

Mag's gern farbig idr Wohnig,
iss kei Gonfi und kei Honig,
ha kei Fernseh, kei Reklamä,
ghör im Sport chli zu dä Lahmä.

Mängisch bini chli psychotisch,
depressiv oder neurotisch,
losä Alanis Morissette,
verlüürä jedi Wett.

Ha Angst vorem Tüüfel
und issä zvill Zwiifel,
mag kei Ländlär und kei Schlager,
ha im Schrank es Bastel-Lager.

Ja, so bini halt.